Garda Revolucionare e Iranit, forca ideologjike ushtarake e Republikës Islamike, ka kërkuar tërheqjen e ushtrisë izraelite nga Libani, ku në pjesën jugore po zhvillohen operacione tokësore kundër organizatës Hezbollah, e cila mbështetet nga Teherani.
Gjenerali Esmail Qaani, zyrtar i Forcës Quds, njësisë së operacioneve të jashtme të Gardës Revolucionare, theksoi se mbështetja për rezistencën në Liban është detyrë e secilit dhe se dëbimi i Izraelit nga rajoni është një objektiv i arritshëm.
Sipas gjeneralit Qaani, kërkesa minimale e rezistencës është tërheqja e forcave izraelite dhe kthimi i tyre në pozicionet që mbanin përpara fillimit të luftës “kundër” Iranit, në fund të muajit shkurt. Pavarësisht armëpushimit të arritur në nëntor të vitit 2024, ushtria izraelite mban aktualisht pesë pozicione ushtarake në këtë zonë.