Një zëdhënës i Gardës Revolucionare Islamike të Iranit iu përgjigj të premten në mëngjes deklaratave të kryeministrit izraelit Benjamin Netanyahu. Gjenerali Ali Mohammad Neini pohoi se Irani vazhdon të prodhojë raketa balistike edhe në kushte lufte, pavarësisht pretendimeve të kundërta.
Sipas Neini-t, industria e raketave funksionon në mënyrë efikase, pa probleme me prodhimin apo rezervat. Sektori arrin performancë të lartë dhe nuk ka shqetësime për vazhdueshmërinë e prodhimit.
Gjenerali iranian theksoi se konflikti do të vazhdojë. “Populli pret që lufta të vazhdojë derisa armiku të jetë shteruar plotësisht. Kjo luftë duhet të përfundojë kur hija e luftës të largohet nga vendi ynë”, u shpreh ai.
Të enjten në mbrëmje, Netanyahu kishte deklaruar se pas 20 ditësh zhvillimesh mund t’i njoftojë se Irani nuk ka më aftësi për pasurimin e uraniumit dhe as për prodhimin e raketave balistike.
Përditësime
Benjamin Netanyahu deklaroi se Irani aktualisht nuk ka aftësi për të pasuruar uraniumin dhe prodhuar raketa, jo "pas 20 ditësh" siç u raportua më parë.