Ndeshja mes Interit dhe Bodo/Glimt përfundoi me fitoren 3-1 të norvegjezëve, ku goli i Pio Espozitos mbajti zikaltrit në garë për kualifikim.
Gazeta italiane Corriere Dello Sport në analizën e saj me moviolë vlerëson si gabim të rëndë gjykimin e këtij goli. Pamjet tregojnë prekje të njëpasnjëshme të topit me dorë nga Karlos Augusto dhe vetë Pio Espozitos, para se sulmuesi ta dërgonte në rrjetë.
Sipas gazetës, ky është "gabim i rëndë, nga ata që të hiqet licenca", i kryer nga gjyqtari kryesor Sibert dhe asistenti i tij në VAR, Dingert. Ata i vënë notën 4,5 kryesorit dhe theksojnë se rregullorja e qartë detyron anulimin e golit kur topi prek krahun ose dorën e shënuesit menjëherë para golit.
Prekja e mëparshme nga Karlos Augusto nuk e zbeh atë të Espozitos, sipas leximit të rregullores. Gazetën e quan fajtor kryesor VAR-in, i cili nuk sinjalizoi kryesorin, duke i dhënë Interit një avantazh për ndeshjen e kthimit.
Corriere Dello Sport lë hapur një mundësi 1% që pamjet e tjera të qartësojnë mungesën e prekjes nga parakrah/kyçi i majtë i Espozitos, ose mungesën e provave video, por mbështet fuqimisht anulimin e vendimit të fushës.