Gëzim Vija, 78-vjeç, u gjet i vdekur në banesën e tij në Bulgarec të Korçës. Ngjarja ndodhi sot dhe po hetohet nga policia.
Viktima ishte i divorcuar dhe jetonte i vetëm prej 25 vitesh. Ai është baba i 4 fëmijëve, dy prej të cilëve jetojnë në Korçë, ndërsa dy të tjerë jashtë shtetit.
Nga këqyrja paraprake rezulton se kishte plagë në trup nga goditje me sende të forta. Dyshohet për ngjarje kriminale ose aksident fatkeq në banesë.
Në komisariat po çohen të gjithë familjarët për deklaratë, pasi nuk është identifikuar ende motivi. Gjithashtu po pyeten banorët dhe persona të tjerë me interes për hetimin.
Ekspertët pritet të japin përfundimin zyrtar pas ekzaminimeve mjeko-ligjore në morg. Hetimi vazhdon për zbardhjen e rrethanave dhe shkaqeve.