Zoja Oroshi, një 39-vjeçare me origjinë nga Gjakova, u vra të dielën e Pashkëve pasdite në Austrinë e Poshtme. Ngjarja ndodhi në qytetin e Badenit, në kopshtin e shtëpisë së saj, ku ajo u gjet pa shenja jete me plagë nga thika dhe arma e zjarrit, sipas mediave austriake.
I dyshuari kryesor është ish-burri i saj, një 47-vjeçar që ndodhet në paraburgim. Çifti kishte katër fëmijë së bashku dhe raportohet se kishin pasur konflikte familjare. Mediat austriake përmendin një mosmarrëveshje si shkak të mundshëm, por motivi i saktë ende nuk dihet.
Autoritetet austriake kanë konfirmuar arrestimin e ish-burrit, ndërsa hetimet vazhdojnë për zbardhjen e plotë të rrethanave.