Autoritetet greke kanë nisur hetimet pas zbulimit të eshtrave njerëzore në një liqen artificial në Sithonia, rajonin e Halkidikisë, më 3 mars.
Eshtrat u gjetën brenda një valixheje gjatë punimeve për pastrimin e zonës në kompleksin hotelier. Fillimisht dyshohej se i përkisnin një personi të vetëm, por ekzaminimi mjeko-ligjor nxori në pah se ato i përkasin dy individëve të ndryshëm, me moshë të ndryshme.
Burime paraprake tregojnë se eshtrat kanë qëndruar në atë vend për një periudhë të gjatë kohore. Njëra dyshohet të jetë grua, ndonëse identiteti i tyre ende nuk është përcaktuar.
Autoritetet vijojnë punën për të zbardhur rrethanat e ngjarjes dhe për të identifikuar viktimat.