Trupi i pajetë i një bariu 56-vjeçar u gjet në ambientet e një stani në fshatin Dhëmblan të Tepelenës.
Grupi hetimor i policisë së Gjirokastrës po verifikon rrethanat dhe shkaqet e ngjarjes. Nga këqyrja paraprake nuk janë konstatuar shenja dhune. Pista e parë është një vdekje natyrore ose atak kardiak.
Hetuesit presin rezultatet e ekspertimit mjeko-ligjor për të përcaktuar shkakun e saktë. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.