Sot rreth orës 12:40, Policia në Skenderaj është njoftuar se një person pa shenja jete ndodhet në një fshat të këtij qyteti, afër vendbanimit të tij. Njësitë policore kanë shkuar menjëherë në vendngjarje dhe është njoftuar edhe emergjenca e QKMF-së në Skenderaj.
Mjeku kujdestar ka konfirmuar se personi ishte pa shenja jete. Hetuesit policorë, me autorizim të prokurorit, kanë nisur hetimet për zbardhjen e rrethanave të këtij rasti.
Pas përfundimit të procedurave në vendngjarje, me urdhër të prokurorit trupi i pajetë i viktimës mashkull, 56 vjeç, është dërguar në Institutin e Mjekësisë Ligjore për obduksion. Sipas rrethanave të gjetura, rasti është iniciuar si "Hetim mbi vdekjen".