Gjykata e Posaçme kundër Korrupsionit dhe Krimit të Organizuar (GJKKO) shqyrtoi më 24 mars 2026 kërkesën e ish-presidentit Ilir Meta për zëvendësimin e masës së sigurisë arrest në burg me një masë më të lehtë.
Gjykata rrëzoi kërkesën, duke lënë në fuqi masën e paraburgimit. Meta nuk ishte i pranishëm në seancë dhe, përmes avokatit Kujtim Cekani, ofroi një garanci pasurore prej 5 milionë lekësh në këmbim të zbutjes së masës.
SPAK kundërshtoi kërkesën, duke theksuar akuzat e rënda kundër Metës për korrupsion, pastrim parash dhe fshehje të pasurisë. Ish-presidenti ka apeluar më herët kundër kësaj mase, por gjykata e ka lënë në fuqi vendimin.
Para seancës, avokati Cekani u ndalua tek gazetarët për të kujtuar se data përkon me ditëlindjen e kreut të Partisë Liri. Ai u shpreh se duhet ta urojnë presidentin për ditëlindjen.