Gjykata e Posaçme Kundër Korrupsionit dhe Krimit të Organizuar (GJKKO) do të vijojë shqyrtimin e dosjes "Partizani" në seancën e radhës më 30 prill, në orën 12:00.
Në këtë seancë pritet të dëgjohet si dëshmitar i parë Taulant Balla, i cili njëkohësisht figuron si kallëzues në këtë çështje.
Procesi vjen pas zhvillimeve të mëparshme, ku gjykata kishte pranuar kërkesën për thirrjen si dëshmitar të kryeministrit Edi Rama në lidhje me hetimet për privatizimin e ish-kompleksit sportiv "Partizani".
Ndërkohë, Struktura e Posaçme Kundër Korrupsionit dhe Krimit të Organizuar (SPAK) ka kërkuar thirrjen si dëshmitarë të biznesmenit Paro Laçi, si dhe të shtetasve Albert Xhani dhe Isa Tare.