Në datën 31 janar 2026, rreth orës 15:20, në rrugën “Fahri Fazliu” në Prishtinë (Kodra e Trimave) ka ndodhur një incident me armë zjarri, i kualifikuar si vrasje në tentativë dhe shkaktim i rrezikut të përgjithshëm.
Sipas raportit 24-orësh të Policisë së Kosovës, ngjarja ka përfshirë katër persona të dyshuar meshkuj kosovarë të ndarë në dy grupe. Pas shkëmbimit të zjarrit, njëri nga të dyshuarit ka goditur me veturë një të dyshuar tjetër dhe dy dëshmitarë meshkuj kosovarë.
Në vendngjarje, njësitë policore kanë gjetur dhe sekuestruar dy gëzhoja, një fishek dhe një predhë. Një i dyshuar është arrestuar në vend.
Të lënduarit – një i dyshuar dhe dy dëshmitarë – janë dërguar në Qendrën Klinike Universitare të Kosovës (QKUK) për trajtim mjekësor. I dyshuari është hospitalizuar, ndërsa dëshmitarët janë liruar pas pranimit të ndihmës.
I arrestuari, pas intervistimit, është dërguar në mbajtje me vendim të prokurorit. Hetimet për rrethanat e ngjarjes vazhdojnë.
Përditësime
Policia identifikoi pesë persona të dyshuar. A.T. u vu në paraburgim për 30 ditë, ndërsa katër të tjerë u liruan.
Konflikti vazhdoi në një lokacion tjetër me përdorim të veturës për rrezikim dhe dyshime për të shtëna nga vetura.
Policia kryen tre bastisje në lokacione të ndryshme, ku sekuestruan mjete të forta, një veturë të dyshuar dhe dy armë zjarri. Gjithashtu, siguruan videoincizime nga kamerat e sigurisë.