Gjykata e Lartë ka rrëzuar rekursin e eurodeputetit Fredi Beleri dhe Pandeli Kokaveshit, duke lënë në fuqi dënimet për korrupsion në zgjedhje. Vendimi u mor më 27 mars 2026 dhe konfirmon dënimin e Apelit të GJKKO-së.
Beleri u dënua me 2 vite burg, ndërsa Kokaveshi me 3 vite shërbim prove. Të dy kërkuan pafajësi në shkallën e tretë të gjyqësorit, duke pretenduar se nuk kishin kryer vepër penale.
Të dy u arrestuan me urdhër të Prokurorisë së Vlorës në orët e para të mëngjesit të 12 majit 2023, dy ditë para zgjedhjeve vendore për kryetarë bashkish. Beleri ishte kandidat i koalicionit “Bashkë Fitojmë” për kryetar bashkie në Himarë, ku fitoi zgjedhjet, por nuk ushtroi mandatin.
Sipas akuzës, Beleri ofroi nga 50 euro për tetë vota, duke i dhënë paratë përmes Kokaveshit. Çështja u transferua nga Prokuroria e Vlorës në SPAK, që kërkoi shpalljen e tyre fajtorë për korrupsion aktiv në zgjedhje.
Procesi gjyqësor filloi në GJKKO dhe u konfirmua në Apel. Me vendimin e Gjykatës së Lartë, dënimet janë përfundimtare.
Përditësime
Fredi Beleris e shërbeu dënimin para se të zgjidhet eurodeputet nën siglën e Demokracisë së Re të kryeministrit grek Kyriakos Mitsotakis.
Fredi Beleri u lirua me kusht në shtator 2024, pas gati 16 muajsh në qeli.