Policia e Sarandës ekzekutoi sot vendimin e Gjykatës së Shkallës së Parë e Juridiksionit të Përgjithshëm Sarandë, duke arrestuar Klementin Islamaj, 43 vjeç, banor i fshatit Shalës në bashkinë Konispol. Ai u dënua me 3 vite e 4 muaj burg për veprën penale “vrasje e kryer në gjendje të tronditjes së fortë psikike”.
Ngjarja daton më 10 gusht 2024 në banesën e familjes Islamaj në Shalës. Sipas hetimeve dhe dëshmisë së Klementin Islamajt, ai gjeti trupin e nënës së tij, Shano Islamaj, 66 vjeçe, të rrethuar nga gjak. Babai i tij, Hysen Islamaj, 69 vjeç, doli nga kuzhina duke mbajtur një gotë qelqi dhe pas një kërcënimi verbal e goditi birin në fytyrë.
I tronditur dhe i shqetësuar për fëmijët, Klementin Islamaj e goditi babain me grushta dhe shkelma, pa përdorur objekte. Ai pa babain të rrëzuar me shenja jete, i dha ndihmë duke e kthyer trupin dhe më pas kontrolloi nënën, e cila ndërroi jetë shpejt. Pas incidentit, kërkoi ndihmë mjekësore.
Sipas disa burimeve, Hysen Islamaj kishte vrarë bashkëshorten me sopatë dhe Klementin e kishte hedhur nga shkallët. Edhe pas gati dy vitesh, Islamaj ndodhet në gjendje të rënduar psikike dhe do të vuajë dënimin.
Përditësime
Policia e Shtetit konfirmoi se Klement Islamaj vrau nënën e tij me sopatë dhe hodhi babain nga shkallët, në prani të fëmijëve të tij të mitur, të cilët jetonin me gjyshërit në banesë.
Në njoftimin zyrtar thuhet: "Klement Islamaj u arrestua pas vrasjes së nënës me sopatë dhe hedhjes së babait nga shkallët, në prani të fëmijëve të mitur."