Gjykata Speciale ka njoftuar anulimin e dy seancave të planifikuara në rastin gjyqësor kundër ish-presidentit Hashim Thaçi dhe bashkëpunëtorëve të tij, lidhur me akuzat për vepra penale kundër administrimit të drejtësisë.
Seancat ishin parashikuar për datat 14 dhe 17 prill 2026. Në njoftimin zyrtar thuhet: «Thaçi dhe të tjerët (administrimi i drejtësisë): anulohen seancat e planifikuara për javën e ardhshme. Ju njoftojmë se seancat e planifikuara për datat 14-17 prill 2026 në çështjen gjyqësore kundër Thaçit dhe të tjerëve në lidhje me akuzat për vepra penale kundër administrimit të drejtësisë, janë anuluar. Informacione të mëtejshme do të jepen sapo të jenë të disponueshme».
Gjykata Speciale nuk ka dhënë arsye specifike për këtë vendim. Data e seancave të reja nuk është bërë e ditur, çka mund të ndryshojë kalendarin e procesit gjyqësor.