Gjykata Themelore në Ferizaj do të shpallë nesër, e premte, më 3 prill, aktgjykimin për të akuzuarin Valon Aliu. Seanca është caktuar të nisë në orën 11:00.
Rasti lidhet me ngjarjen e 12 prillit 2024, kur Aliu, 36 vjeç, vrau me armë zjarri ish-bashkëshorten e tij Erona Cokli brenda zyrës së punëtores sociale, gjatë një takimi në ambientet e institucioneve sociale.
Gjatë incidentit, Erona Cokli ishte e shoqëruar nga vëllai i saj 15-vjeçar dhe punëtorja sociale. Sipas deklaratave të të dyshuarit, gjatë një bisede me ish-bashkëshorten, ai nxori armën nga brezi dhe qëlloi në drejtim të saj dhe të vëllait të saj. Si pasojë, Cokli u vra, ndërsa vëllai u plagos rëndë.
Aktakuza e ngritur kundër Valon Aliut e përshkruan si vrasje e rëndë. Rasti ka tërhequr vëmendjen e opinionit publik në Kosovë, veçanërisht në Ferizaj.