Gjykata Themelore në Prishtinë pritet të shpallë sot, më 24 prill, në orën 15:00, aktgjykimin për rastin “Banjska”. Autoritetet kanë vendosur masa të rrepta sigurie për mbarëvajtjen e seancës.
Në fjalën përfundimtare të javës së kaluar, Prokuroria Speciale e Kosovës kërkoi dënim me burgim të përjetshëm për të akuzuarit Vladimir Toliq, Blagoje Spasojević dhe Dušan Maksimović. Të tre kanë mohuar fajësinë për veprat e imputuara.
Rasti “Banjska” lidhet me sulmin e armatosur të 24 shtatorit 2023 në fshatin Banjska të Zveçanit, në veri të Kosovës. Atje, një grup i armatosur u përlesh me Policinë e Kosovës, duke shkaktuar vdekjen e policit Afrim Bunjaku dhe reagim ndërkombëtar.
Prokuroria Speciale ngriti aktakuzë më 11 shtator 2024 kundër Milan Radojičićit dhe 44 të tjerëve, duke i akuzuar për sulm terrorist.