Gjykata Themelore në Prishtinë ka shpallur të pafajshëm kryetares së Kuvendit Albulena Haxhiu, ish-deputetet Donika Kadaj-Bujupi, Pal Lekaj dhe Besa Baftiu në rastin e hedhjes së gazit lotsjellës në Kuvend. Vendimi erdhi pas një procesi gjyqësor që zgjati 10 vite.
Lajmin e konfirmuan avokatët e të akuzuarve në një konferencë për media. Musa Damati, avokat i Pal Lekajt, deklaroi se gjykata nuk ka arritur të vazhdojë shqyrtimin e rastit dhe ka liruar klientin e tij nga të gjitha akuzat. Ai e cilësoi vendimin si triumf juridik pas shumë seancash.
Burim Halili, avokat i Albulena Haxhiut, sqaroi se veprimet e deputetëve lidheshin me kundërshtimin e Asoacionit të komunave me shumicë serbe dhe demarkacionit. Prokuroria nuk arriti të vërtetojë elementet penale as në shqyrtimin fillestar, as në rigjykimin e vitit 2021. Rasti u stërzgjua deri në parashkrimin e veprës penale, duke rezultuar në lirimin e të gjithëve nga aktakuza.
Ngjarja daton nga vitet 2015-2016, kur deputetët u ndaluan në Kuvend për hedhjen e bombolave të gazit lotsjellës. Procesi përfshiu disa faza shqyrtimi dhe përfundoi me aktgjykim refuzues.