Procesi gjyqësor në Gjykatën Speciale të Hagës për ish-krerët e UÇK-së po shkon drejt fundit. Të hënën, më 19 janar 2026, janë dorëzuar dosjet përfundimtare nga palët.
Pas këtij hapi, pritet mbajtja e fjalës përfundimtare nga 9 deri më 18 shkurt 2026. Gjyqtarët kanë afat prej tre muajsh për të shpallur vendimin e shkallës së parë, me mundësi shtyrjeje për dy muaj të tjerë.
Kryetari i Organizatës së Veteranëve të Luftës së UÇK-së (OVL UÇK), Hysni Gucati, në një deklaratë për Klan Kosova, u shpreh optimist. Ai tha se: "Këtij gjyqi maratonik i erdhi fundi dhe unë besoj që fundi do t’i vijë shumë mirë, sepse Gjykata Speciale ka punuar me prova të fabrikuara nga Serbia dhe disa shqipfolës që mendojnë se mund ta dëmtojnë UÇK-në dhe Kosovën".
Gucati u shpreh i bindur se "presidenti dhe të tjerët do të dalin fitimtarë".