Klubi basketbollistik GO+ Peja njoftoi se ndeshja e tij e paraparë kundër skuadrës çeke Olomoucko në kuadër të ligës ENBL, e planifikuar për sot në Çeki, nuk do të zhvillohet. Ky vendim erdhi për shkak të orarit të ngjeshur në garat vendore, ku skuadra pejane ka angazhime të enjten dhe të shtunën, duke e bërë të pamundur udhëtimin.
Sipas njoftimit zyrtar të klubit, prioriteti kryesor në këtë fazë është obligimet në kampionatin vendor. Klubi premtoi se do të njoftojë për çdo zhvillim të mëtejshëm lidhur me këtë ndeshje. Ndeshja ishte paraparë të luhej në orën 18:00 lokale.
Liga ENBL (European North Basketball League) përfaqëson nivelin e pestë të garave evropiane për klube basketbolli. GO+ Peja ka zhvilluar katër ndeshje në këtë ligë, me një fitore dhe tre humbje. Në Superligën e Kosovës, skuadra pejane zë vendin e tretë me tetë fitore dhe gjashtë humbje. Në të njëjtën ligë evropiane garon edhe Sigal Prishtina.