Një grabitje e armatosur ka ndodhur të shtunën, më 11 prill 2026, rreth orës 16:15, në fshatin Zym të Prizrenit. Dy viktima, derisa udhëtonin me veturë, hasën në pengesa të vendosura me gurë në rrugë. Pasi ndaluan dhe dolën për t'i larguar ato, u përballën me dy persona të panjohur të armatosur me armë automatike të tipit AK-47.
Nën kërcënimin e armëve, të dyshuarit u kanë grabitur një shumë parash viktimave dhe u larguan në drejtim të panjohur. Gjatë ikjes, ata shtinin me armë zjarri në drejtim të një zone pyjore.
Njësitë policore mbërritën në vendngjarje, ku gjetën dhe konfiskuan një gëzhojë fisheku. Lidhur me rastin, policia intervistoi dy meshkuj kosovarë, të cilëve u sekuestruan dy telefona celularë. Për mungesë provash lidhëse, me urdhër të prokurorit ata u liruan në procedurë të rregullt.
Bastisje në Krajk
Gjatë hetimeve, policia kryer një bastisje në një lokacion në Krajk të Prizrenit. Aty u sekuestruan 276 fishekë, katër karikatorë të zbrazur, dy gëzhoja, një predhë fisheku, një vazhdues i tytës së pushkës, një palë dylbi si dhe pajisje për pastrimin e armëve.
Rasti po hetohet nga njësitë përkatëse policore, ndërsa autoritetet kërkojnë personat e përfshirë në grabitje.
Përditësime
Policia e Kosovës ka konfirmuar kualifikimin zyrtar të ngjarjes si grabitje dhe posedim i paautorizuar i armëve. Viktimat, dy të mitur 16- dhe 18-vjeç, u grabitën përkatësisht 65 euro dhe 70 euro në rrugën Ndre Bogdani, ndërmjet Zymit dhe Bregdrit të Prizrenit. Suspektët gjuajtën një plumb në ajër. Zëdhënësi Shaqir Bytyçi deklaroi: "Dy të mitur u sulmuan nga persona të armatosur me pistoletë." Avokatët dhe kujdestari i njërit prej të miturve thanë se po ndjekin çështjen ligjërisht.