Përparim Gruda, anëtar i Partisë Demokratike të Kosovës, deklaroi se Fatmir Limaj nuk ka paraqitur asnjë kërkesë për t’u bashkuar me listën e PDK-së. Kjo deklaratë u bë gjatë emisionit Debat Plus.
Gruda mohoi pretendimet se PDK po ia mbyll dyert Limajt. Ai theksoi se deri tani nuk ka pasur asnjë iniciativë nga ana e tij.
Sipas Grudës, kjo çështje nuk është ende në rend dite për vendimmarrje brenda partisë. Ai shtoi se në ditët në vijim do të shihet disponimi i strukturave të PDK-së për zhvillimet e mëtejshme politike.
“Nuk mendoj që jemi duke ia mbyllur dyert, e vërteta është se nuk kemi asnjë kërkesë as nga zoti Limaj për t’u bashkuar në listën e PDK-së. Edhe kjo nuk është një çështje për të cilën PDK duhet të vendosë ose të deklarohet. Kemi edhe ditë përpara të shohim cili është disponimi i strukturave të partisë”, u shpreh Gruda.