Antonio Guterres, Sekretari i Përgjithshëm i OKB-së, u ka bërë thirrje palëve për dialog me Iranin, veçanërisht në lidhje me programin e tij bërthamor, për të shmangur një krizë me pasoja shkatërruese për rajonin.
Gjatë një konference për shtyp në selinë e Kombeve të Bashkuara në Nju Jork më 29 janar 2026, Guterres deklaroi se OKB-ja ka dënuar ashpër shtypjen e dhunshme në Iran.
“Po ndjekim me shqetësim diskutimet që janë në zhvillim dhe vlerësojmë se është thelbësore të vendoset një dialog për të arritur një marrëveshje, veçanërisht për çështjen bërthamore, në mënyrë që të shmanget një krizë që mund të ketë pasoja shkatërruese për rajonin”, u shpreh kreu i OKB-së.
Deklaratat vijnë në një moment tensioni të shtuar në Lindjen e Mesme, ndërsa komuniteti ndërkombëtar kërkon rrugë diplomatike për të ulur përshkallëzimin e situatës.
Përditësime
**Tensionet midis Iranit dhe SHBA-së rriten me shkëmbimin e kërcënimeve ushtarake. Presidenti Donald Trump vazhdon përpjekjet për një marrëveshje bërthamore me Teheranin..