Hakan Çalhanoglu, lojtari i Interit, foli në konferencën për shtyp të Kombëtares së Turqisë në Prishtinë, një ditë para ndeshjes me Kosovën në stadiumin Fadil Vokrri.
Në konferencë u paraqitën trajneri Vincenzo Montella dhe Çalhanoglu. Lojtari turk nuk i kurseu fjalët e mira për kosovarët, duke i quajtur vëllezër muslimanë.
Ai përmendi lojtarët e Kosovës Vedat Muriqi dhe Mërgim Vojvoda. “Unë e njoh Vedatin e Vojvodën, dhe kam shumë shokë shqiptarë, i di disa fjalë edhe shqip, por nuk mund t’i them këtu në konferencë”, deklaroi Çalhanoglu.
Çalhanoglu theksoi se nuk e nënvlerëson Kosovën. “Unë kurrë nuk e kam nënvlerësuar asnjë kundërshtar. Kualitetin luan rol, por nesër fiton skuadra që luan më me zemër”, u shpreh ai.