Nje operacion kibernetik ka vene ne shenjester llogarite elektronike te zyrtareve qeveritare dhe stafit te Ministrise se Jashtme te Mbreterise se Bashkuar. Sulmi, i identifikuar nga studiuesi i sigurisë Volodymyr Diachenko, ka shfrytezuar dobësi ne pajisjet e kompanise Fortinet per te depertuar ne sisteme te ndjeshme.
Ndër të dhënat e ekspozuara përfshihen adresa elektronike dhe fjalëkalime të punonjësve të ambasadave britanike në Tajlandë dhe Mauricius, si edhe të zyrtarëve në Derbyshire dhe Waltham Forest. Sipas analizave të publikuara nga The Telegraph, kodi i përdorur në këtë sulm është shkruar në gjuhën ruse, çka ka nxitur shqetësime për sigurinë kombëtare.
Kredencialet e vjedhura janë duke u shitur në forume të paligjshme online, me çmime që arrijnë në 60 mijë dollarë (rreth 44 mijë paund). Përveç administratës shtetërore, sulmi prek edhe shërbime jetike si Shërbimi Kombëtar Shëndetësor (NHS), kompani të sektorit të energjisë dhe furnizues të barnave.
Eksperti i sigurisë kibernetike, Dr. Saif Abed, ka tërhequr vëmendjen se kjo situatë krijon premisat për sulme të tipit ransomware, të ngjashme me incidentin e ndodhur ndaj kompanisë Synnovis në vitin 2024, i cili shkaktoi ndërprerje të rënda në shërbimet spitalore. Institucionet përkatëse dhe Qendra Kombëtare për Sigurinë Kibernetike (NCSC) janë angazhuar në vlerësimin e pasojave të këtij depërtimi, i cili mbetet aktiv sipas raportimeve të fundit.