Haley Robson, një nga viktimat e rrjetit të abuzimeve të Jeffrey Epstein, ka dhënë një dëshmi për mediat italiane në lidhje me përjetimet e saj në vitin 2002, kur ishte 16 vjeçe.
Ajo shpjegon se u dërgua në rezidencën e Epstein-it përmes personave të besuar, përfshirë një shok klase. Sapo mbërriti, Epstein e çoi në katin e sipërm dhe e abuzoi për rreth një orë.
Robson shpreh zhgënjim ndaj sistemit të drejtësisë amerikane dhe presidentit Donald Trump, të cilin e akuzon se ka tradhtuar viktimat duke mos siguruar transparencë të plotë në dosjet e skandalit. E regjistruar si votuese republikane, ajo kishte besuar deklaratat e Trump-it se e vërteta do të dilte në dritë, por kjo nuk ndodhi.
Sipas saj, marrëdhëniet mes Trump-it dhe Epstein-it ishin të afërta, me një fotografi të Trump-it në tavolinën e punës së financierit. Ajo kritikon mbylljen e hetimeve pa ndjekje penale të personave të tjerë të fuqishëm, duke lënë dyshime për bashkëpunëtorë.
Skandali i Departamentit të Drejtësisë
Robson denoncon publikimin e gabuar të të dhënave personale të dhjetëra grave nga Departamenti i Drejtësisë i SHBA-së, përfshirë numra sigurimesh shoqërore, adresa dhe fotografi të vajzave të mitura pa censurë.
Aktivizmi dhe dyshimet e tjera
Pavarësisht traumave dhe trajtimit të vazhdueshëm psikologjik, Robson është bërë aktiviste për mbrojtjen e grave dhe fëmijëve. Negligjenca e shtetit, sipas saj, i ka bërë viktimat më të forta për të kërkuar drejtësi.
Ajo shpreh bindjen se Epstein nuk u vetëvrave në burg, por u vra, dhe ndjen trishtim për shoqen Virginia Giuffre, e cila nuk jeton më për të parë rezultatet e betejës.
Përditësime
Haley Robson identifikoi Tony Figueroan, ish-të dashurin e Virginia Giuffre, dhe Ghislaine Maxwell si personat që e kontaktonin.
Ajo rrëfeu: “Kur më ftuan në shtëpinë e Jeffrey Epsteinit, nuk kisha dijeni se çfarë do të ndodhte…”
Robson shtoi: “Kjo përvojë na ka bërë më të forta…”