Qendra Kombëtare për Menaxhim Kufitar ka njoftuar se sot rreth orës 13:00 rruga Pejë-PKK Kullë-Rozhajë u hap për qarkullim për vetura të vogla. Veturat duhet të kenë pajisje dimërore, kurse për kamionë rruga mbetet e bllokuar. Për çdo zhvillim të ri, qytetarët do të njoftohen me kohë.
Mbyllja e rrugës erdhi për shkak të reshjeve të dendura të borës, të cilat përfshinë zonën që nga dita e djeshme. Këto kushte vështirësuan qarkullimin dhe krijuan rrezik për udhëtarët.
Gjatë ditës së djeshme në këtë segment mbetën të bllokuar disa persona, përfshirë një familje pesëanëtarëshe. Për evakuim u angazhua Shërbimi i Kërkim-Shpëtimit Malor, i cili realizoi operacionin në kushte të vështira atmosferike.