Qendra Kombëtare për Menaxhim Kufitar (QKMK) ka njoftuar se rruga Pejë-Kullë-Rozhajë dhe anasjelltas mbetet e mbyllur për qarkullim të të gjitha llojeve të automjeteve.
Në njoftimin e saj, QKMK shkruan: «Ju njoftojmë se rruga Pejë-PKK Kullë-Rozhajë dhe anasjelltas ende mbetet e mbyllur për të gjitha llojet e automjeteve. Për çdo risi do t’ju njoftojmë me kohë».
Ky segment rrugor u mbyll paraditën e djeshme, më 18 mars 2026, për shkak të reshjeve të borës dhe kushteve të vështira atmosferike.
Në të njëjtën zonë u bllokuan disa udhëtarë, përfshirë një familje 5-anëtarëshe, të cilët u evakuan nga Shërbimi i Kërkim-Shpëtimit Malor.
Autoritetet u bëjnë thirrje qytetarëve të shmangin këtë aks rrugor deri në njoftim të ri.