Enver Hasani, ish-kryetari i Gjykatës Kushtetuese të Kosovës, deklaroi se Presidenti i Republikës së Kosovës nuk ushtron kompetenca ekzekutive.
Deklarata u bë në emisionin Debat Plus. Hasani theksoi se roli i presidentit keqinterpretohet shpesh, përfshirë në qarqet akademike.
"Asnjë kompetencë ekzekutive nuk e ka presidenti i Republikës. Edhe ata para që kanë qenë kanë thënë dhe nuk kanë faj, sepse në Fakultetin Juridik e mësojnë studentët që ka kompetenca. Nuk ka kompetenca ekzekutive, ai është mashtrim. Krejt i ka kompetenca zinxhirore…", u shpreh ai.
Sipas Hasanit, kompetencat e presidentit janë të natyrës përfaqësuese dhe kushtetuese, jo ekzekutive. Ai nënvizoi nevojën për një kuptim më të saktë të rolit të këtij institucioni në sistemin kushtetues të Kosovës.