Ish-presidenti i Kosovës, Hashim Thaçi, tërhoqi vëmendjen gjatë paraqitjes së tij në seancën gjyqësore në Hagë më 16 shtator 2026. Ai zgjodhi të mbante të njëjtën kravatë që kishte vënë 18 vjet më parë, më 17 shkurt 2008, në ditën kur Kosova shpalli pavarësinë dhe ai shërbente si kryeministër i vendit.
Në seancën e mbajtur të mërkurën, Dhomat e Specializuara të Kosovës shpallën vendimin e shkallës së parë, me të cilin Hashim Thaçi u dënua me 25 vjet burgim. Sipas raportimeve, gjatë leximit të aktgjykimit, Thaçi qëndroi në këmbë, duke mos shfaqur emocione të dukshme, ndërsa në disa momente u pa të buzëqeshte. Kur gjyqtari i kërkoi të ulej, ai buzëqeshi sërish dhe tha 'okej'.
Ky detaj i veshjes u vlerësua si një lidhje simbolike mes dy momenteve të rëndësishme në jetën politike të Thaçit, duke shënuar, sipas analizave, skajet e rrugëtimit të tij: ditën kur Kosova u bë shtet dhe ditën e dënimit në Hagë. Vendimi në fjalë është i shkallës së parë dhe ndaj tij mund të ushtrohet ankesë.