Albulena Haxhiu, kryetare e Kuvendit të Kosovës, refuzoi të flasë në lidhje me vendimin e Gjykatës Kushtetuese të marrë më 25 mars 2026.
Ajo u përgjigj me fjalët "Jo këtu, të lutem" ose "Jo këtu", kur u pyet nga gazetarët rreth këtij vendimi.
Gjykata Kushtetuese e shpalli të pavlefshëm dekretin e presidentes Vjosa Osmani për shpërbërjen e Kuvendit. Me këtë vendim, Kushtetuesja shfuqizoi edhe masën e përkohshme të vendosur më 9 mars dhe u dha deputetëve afat 34 ditë për përfundimin e procedurës së zgjedhjes së presidentit të ri.
Nëse deputetët nuk arrijnë ta zgjedhin presidentin brenda këtij afati, brenda 45 ditëve duhet të mbahen zgjedhje të jashtëzakonshme.
Më herët të njëjtën ditë, edhe presidentja Vjosa Osmani nuk pranoi të komentojë vendimin e Kushtetueses.