Albulena Haxhiu, kryetare e Kuvendit të Republikës së Kosovës, zhvilloi sot takim me ambasadorin e Gjermanisë në Kosovë, Rainer Rudolph.
Në takim u diskutua për marrëdhëniet ndërmjet Kosovës dhe Gjermanisë, mbështetjen e vazhdueshme gjermane për forcimin e institucioneve demokratike dhe sundimin e ligjit, si dhe për mundësitë e zgjerimit të bashkëpunimit ndërparlamentar.
Kryetarja Haxhiu shprehu mirënjohje për mbështetjen e ofruar nga Republika Federale e Gjermanisë ndaj Republikës së Kosovës, në veçanti në proceset e integrimit evropian dhe në konsolidimin institucional të vendit.
Përditësime
Ambasadori gjerman Rudolph e uroi Haxhiun për zgjedhjen si kryetare e Kuvendit. Ata diskutuan zgjedhjet presidenciale të ardhshme, ku Rudolph riafirmoi angazhimin e Gjermanisë ndaj rrugës evropiane të Kosovës, duke theksuar stabilitetin institucional, sipas njoftimit të ambasades gjermane.