Kryetari i Partisë Demokratike të Kosovës (PDK), Bedri Hamza, ka pritur në selinë qendrore të partisë ambasadorin e Gjermanisë në Kosovë, Rainer Rudolph. Takimi u fokusua te zhvillimet politike në vend pas procesit zgjedhor të mbajtur më 7 qershor dhe rëndësinë e ruajtjes së stabilitetit institucional.
Gjatë bashkëbisedimit, Hamza rikonfirmoi përkushtimin e PDK-së për formimin sa më të shpejtë të institucioneve qeverisëse. Ai shprehu gatishmërinë e partisë për të kontribuar në forcimin e demokracisë dhe avancimin e proceseve me interes për qytetarët e Republikës së Kosovës.
Në përfundim, Hamza falënderoi ambasadorin Rudolph për mbështetjen e vazhdueshme që Gjermania i ka ofruar Kosovës ndër vite, duke vlerësuar lart partneritetin e ngushtë dhe marrëdhëniet e shkëlqyera ndërmjet dy vendeve.