Kryetari i Partisë Demokratike të Kosovës, Bedri Hamza, priti në takim ambasadorin e Francës në Kosovë, Olivier Guerot. Gjatë takimit u diskutuan zhvillimet aktuale politike në vend dhe përgatitjet për zgjedhjet e 7 qershorit.
Hamza bëri të ditur se palët folën për nevojën e tejkalimit të krizave të vazhdueshme politike, të cilat kanë ndikuar negativisht në ekonominë dhe mirëqenien e qytetarëve. Ai rikonfirmoi angazhimin e PDK-së për një proces zgjedhor demokratik dhe në përputhje me standardet më të larta ndërkombëtare.
Hamza falënderoi ambasadorin Guerot për mbështetjen e vazhdueshme që Franca i ka dhënë Kosovës në rrugëtimin demokratik dhe euroatlantik. Takimi u zhvillua në selinë e PDK-së.