Ministria e Mbrojtjes së Katarit njoftuan se një helikopter ushtarak u rrëzua në det pranë bregdetit të vendit. Ngjarja ndodhi sot gjatë një fluturimi rutinë për shkak të një mosfunksionimi teknik.
Një operacion kërkim-shpëtimi zhvillohet në zonën detare, pasi fati i personave në bord mbetet i panjohur. Operacionet kryhen në koordinim nga Ekipi Detar i Kërkimit dhe Shpëtimit i Drejtorisë së Përgjithshme të Sigurisë Bregdetare dhe Kufitare, së bashku me Ekipin Ndërkombëtar të Kërkimit dhe Shpëtimit të Katarit të Forcës së Sigurisë së Brendshme (Lekhwiya).
Ministria e Brendshme konfirmoi angazhimin e ekipeve të specializuara në këto operacione në ujërat territoriale.
Katari përballet me sulme të përsëritura iraniane me dronë dhe raketa që nga fillimi i sulmeve të përbashkëta SHBA-Izrael ndaj Iranit më 28 shkurt. Qyteti industrial Ras Laffan, një nga qendrat kryesore të prodhimit të gazit të lëngshëm në botë, ka qenë objekt i këtyre sulmeve.
Përditësime
Autoritetet kanë korrigjuar lokacionin e rrëzimit të helikopterit ushtarak pranë bregdetit të Emirateve Arabike të Bashkuara, jo të Katarit, siç u raportua më herët.