Identifikohen pas 27 vitesh mbetjet e Adem Beqirit

Pas më shumë se dy dekadash kërkimesh, familja e Adem (Muhamet) Beqirit ka njoftuar për gjetjen dhe identifikimin e mbetjeve të tij mortore në një varrezë masive në zonën e Zubin Potokut. Adem Beqiri, i lindur në vitin 1951, ishte pjesë e Grupit të Intelektualëve. Sipas deklaratave të familjes, ai u vra nga forcat serbe gjatë periudhës së luftës në Kosovë, ndërsa fati i tij mbeti i panjohur për vite me radhë. Ceremonia e rivarrimit është planifikuar të zhvillohet më 3 tetor 2026 në varrezat e fshatit Pantinë, ku ceremonia mortore do të nisë në orën 13:00. Familja ka njoftuar se do të presë ngushëllime nga të afërmit dhe miqtë në ambientet e Hotel Palace, për tri ditë rresht, nga data 4 deri më 6 tetor, në intervalin kohor prej orës 09:00 deri në 17:00.