Familja Brahimi nga Obiliqi ka njoftuar se sot, më 24 mars 2026, do të varroset Ilaz Brahimi, i cili u vra të dielën në Majac të Podujevës.
Ceremonia mortore do të nisë në orën 12:30 në varrezat e fshatit, sipas postimit të një familjari.
Ilaz Brahimi u qëllua për vdekje nga e dashura e tij, Ardita Gashi. Ajo të dielën mbrëma plagosi edhe gruan e axhës së saj 73-vjeçare, Miradije Gashi, në rrethana dhe për motive ende të panjohura.
Ardita Gashi u vetëplagos dhe vdiq të hënën në QKUK, së bashku me të plagosurën tjetër. Ngjarja la tre viktima në total.