Gazetarja Anila Hoxha ka dhënë detaje të reja në emisionin "Breaking" të Top News në lidhje me dhunimin e avokatit Kujtim Cakrani, i cili përfaqëson edhe ish-presidentin Ilir Meta.
Hoxha tha se një nga dhunuesit është Skerdilajd Xhindi, ndërsa personi i dytë ende nuk është identifikuar, pavarësisht shqyrtimit të kamerave të sigurisë. Të dy janë ende në kërkim dhe policia po vazhdon hetimet.
Paraprakisht dyshohet se konflikti ka nisur për shkak të një vendi parkimi, megjithatë nuk përjashtohen mundësi të tjera që mund të lidhen me detyrën profesionale të avokatit Cakrani. Ai është goditur me doreza hekuri në pjesën e kokës.
"Skerdilajd Xhindi është një nga personat që ka dhunuar avokatin. Personi i dytë ende nuk është identifikuar edhe pse janë këqyrur kamerat e sigurisë. Xhindi është ende në kërkim. Paraprakisht dyshohet se konflikti ka nisur për shkak të parkimit, megjithatë, nuk përjashtohen as mundësi të tjera që mund të kenë lidhje me detyrën e Cakranit. Avokati është goditur me doreza hekuri në pjesën e kokës", – u shpreh gazetarja Anila Hoxha.