Instituti Hidrometeorologjik i Kosovës (IHMK) ka bërë të ditur se gjatë pesë ditëve të ardhshme, duke filluar nga e hëna, priten ndryshime në kushtet atmosferike. Nga e martë parashihen reshje, ku në viset malore do të ketë borë, ndërsa në ulta kryesisht shi, ndonjëherë të përzier me borë.
Temperaturat minimale zbresin në vlera të lehta negative, kurse maksimalet arrijnë deri rreth 16°C.
Sa i përket kushteve agrometeorologjike, ato janë në përgjithësi të favorshme për aktivitetet bujqësore. Bujqve u rekomandohet të shfrytëzojnë të hënën për shpërndarjen e plehut artificial dhe punë të tjera në parcela, pasi reshjet dhe ulja e temperaturave mund të kufizojnë aktivitetet në ditët në vijim.
Parashikimi ditor
• E hëna: Mot i vranët me intervale me diell. Min: -2 deri 1°C, Max: 13-16°C. Erë nga verilindja, 1-8 m/s.
• E martë: Mot i vranët me reshje shiu e bore. Min: 0-3°C, Max: 9-12°C. Erë nga veriperëndimi, 1-9 m/s.
• E mërkurë: Mot kryesisht i vranët. Min: 1-3°C, Max: 10-13°C. Erë nga veriperëndimi, 1-5 m/s.
• E enjte: Mot i vranët me intervale me diell. Min: 1-3°C, Max: 10-13°C. Erë nga veriperëndimi, 1-6 m/s.
• E premte: Mot i vranët me intervale me diell. Min: -1 deri 1°C, Max: 9-12°C. Erë nga verilindja, 1-5 m/s.
Përditësime
IHMK rishikon parashikimin e motit për Kosovën: temperatura më të larta dhe reshje minimale.
- Maksimumet: e hëna 18-23°C (vs. 13-16°C), e martë 16-19°C (vs. 9-12°C).
- Minimumet: e hëna 1-4°C (vs. -2 deri 1°C), e martë 3-6°C (vs. 0-3°C), e mërkurë 4-7°C.
- Reshje: vetëm riga shiu e martë dhe e enjte.
- Mot kryesisht me diell dhe vranësira të shpërndara.