Instituti Hidrometeorologjik i Kosovës (IHMK) ka bërë të ditur se moti gjatë ditëve në vijim do të karakterizohet nga kthjellime dhe vranësira të shpërndara. Gjatë së hënës, në disa zona mund të ketë reshje të dobëta shiu, ndërsa era do të fryjë kryesisht nga veriperëndimi me shpejtësi 1-4 m/s, duke ndryshuar drejtim drejt verilindjes nga dita e enjte me shpejtësi deri në 5 m/s.
Temperaturat gjatë javës
• E hënë: Minimalet 5-8°C, maksimalet 20-23°C.
• E martë: Minimalet 4-6°C, maksimalet 20-23°C.
• E mërkurë: Minimalet 3-8°C, maksimalet 20-23°C.
• E enjte: Minimalet 2-6°C, maksimalet 18-22°C.
• E premte: Minimalet 2-5°C, maksimalet 19-22°C.
Sipas IHMK-së, kushtet biometeorologjike pritet të jenë të favorshme për shumicën e popullsisë. Megjithatë, për shkak të ndryshimeve të temperaturave ndërmjet mëngjesit dhe mesditës, personat me sëmundje kronike mund të ndjejnë ndjeshmëri gjatë orëve të hershme të ditës, kur temperaturat do të jenë më të ulëta, veçanërisht në zonat e ulëta dhe ato malore.