Inspektorati Kombëtar i Mbrojtjes së Territorit (IKMT) po vijon më 27 mars prishjen e 18 objekteve pa leje në zonën e Orikumit. Ndërhyrja hap rrugën për projektin strategjik Rikualifikimi i bregdetit Vlorë-Radhimë-Orikum, që synon transformimin e vijës bregdetare në një destinacion më tërheqës për turistët.
Objektet e prishura përfshijnë ndërtime me konstruksion beton arme me sipërfaqe totale rreth 480 m², ndërtime druri me sipërfaqe rreth 450 m² si dhe tenda me konstruksione metalike. Në zonën e Radhimës është shembur fillimisht një restorant pa kundërshtime nga administratorët.
Për subjektet përgjegjëse janë marrë masat plotësuese sipas ligjit, për të garantuar zbatimin e rregullave të mbrojtjes së territorit. Aksioni synon sistemimin e vijës bregdetare, krijimin e hapësirave të rregullta për investime turistike dhe shërbime publike.
Kreu i qeverisë Edi Rama ka përshëndetur ndërhyrjen në rrjetet sociale. Ai thekson se tani po i hapet rruga projektit Lungomare 3 – Vlorë-Radhimë-Orikum, duke transferuar vijën bregdetare në zonë.