Kryetari i Komunës së Istogut nga radhët e Lidhjes Demokratike të Kosovës (LDK), Ilir Ferati, ka reaguar ndaj kritikave dhe komenteve që, sipas tij, po vijnë nga partitë e tjera politike në vend. Në një deklaratë të publikuar në rrjetet sociale, Ferati ka theksuar se LDK-së nuk i duhen as "analizat" e Lëvizjes Vetëvendosje, as "këshillat" e Partisë Demokratike të Kosovës dhe as "kujdesi" i atyre që ai i quajti "oportunistë zgjedhorë".
Sipas Feratit, këto forca politike kanë të njëjtin qëllim: ta shfrytëzojnë, ta dobësojnë dhe ta dëmtojnë LDK-në për llogari të ngushta politike. Ai shtoi se këto veprime janë në thelb kundër interesit të shtetit, duke argumentuar se fati i LDK-së dhe ai i Kosovës ecin së bashku.