Deputetja Ina Zhupa, kryetare e Komisionit të Kulturës, Turizmit dhe Diasporës, zhvilloi një takim me operatorët turistikë detarë në Vlorë më 14 mars 2026, ku u njoh nga afër me problematikat e tyre.
Sipas Zhupës, operatorët ngritën shqetësime serioze që lidhen me menaxhimin e Bashkisë Vlorë. Ajo deklaroi se bashkia, në vend që të mbështesë sipërmarrësit, ka krijuar pengesa për punën dhe investimet e tyre, duke dëmtuar turizmin detar dhe ekonominë e qytetit.
Ndër shqetësimet kryesore ishin:
- Mungesa e vendeve për ankorimin e anijeve turistike, ndërsa porti ka krijuar një monopol që përjashton operatorët e tjerë.
- Mungesa e infrastrukturës bazë për mjetet turistike detare.
- Probleme me energjinë elektrike dhe ujin.
- Procese gjyqësore dhe bllokim llogarish bankare për një taksë të hequr nga Bashkia Vlorë me vendim të Këshillit Bashkiak, kundër së cilës bashkia vazhdon të apelojë.
- Mungesa e një mjeti për emergjencat në det.
Operatorët paraqitën dëshmi konkrete me raste dhe emra specifikë. Zhupa paralajmëroi se do t’i drejtohet me kërkesa zyrtare Bashkisë Vlorë për transparencë dhe zgjidhje konkrete.