Një incident i pakëndshëm ka ndodhur gjatë ndeshjes çerekfinale të Kupës së Botës 2026 mes Anglisë dhe Norvegjisë. Pamjet e shpërndara në rrjetet sociale tregojnë tre persona të veshur me fanella të Argjentinës duke u përfshirë në një përleshje fizike me një tifoz anglez, ndërsa të pranishmit në tribuna u përpoqën të ndërhynin për të ndarë palët.
Situata u vu nën kontroll vetëm pas ndërhyrjes së forcave të sigurisë të stadiumit, të cilat larguan personat e përfshirë në incident nga mjediset e tribunës. Deri në këtë moment, nuk ka një version zyrtar nga autoritetet mbi motivet që çuan në këtë konflikt.
Prezenca e tifozëve me fanella të Argjentinës në një ndeshje ku kjo kombëtare nuk merrte pjesë, ka shkaktuar reagime të shumta në rrjetet sociale. Pavarësisht tensioneve në tribuna, ndeshja vijoi normalisht. Në fushën e lojës, Anglia siguroi kualifikimin për në gjysmëfinalen e turneut pas fitores 2-1 ndaj Norvegjisë, arritur gjatë kohës shtesë falë dy golave të realizuar nga Jude Bellingham.