Agjencia e Statistikave të Kosovës (ASK) publikoi të dhënat e Indeksit të Harmonizuar të Çmimeve të Konsumit (IHÇK) për muajin prill 2026. Çmimet e konsumit u rritën me 7.5% krahasuar me prillin e 2025, ndërsa inflacioni mujor ishte 1.1%.
Rritja vjetore shpjegohet kryesisht nga ngritja e çmimeve në kategoritë kryesore:
• Transport: 16.1%;
• Strehim, ujë, energji elektrike, gaz dhe lëndë të tjera djegëse: 15.2%;
• Restorante dhe shërbime akomodimi: 5.8%;
• Ushqim dhe pije joalkoolike: 5.6%;
• Pije alkoolike, duhan dhe narkotikë: 5.1%;
• Shëndetësi: 4.7%;
• Kujdes personal, mbrojtje sociale dhe mallra dhe shërbime të ndryshme: 3.6%;
• Mobilje dhe pajisje shtëpiake, mirëmbajtje rutinore: 3.1%;
• Rekreacion, sport dhe kulturë: 3.0%;
• Veshje dhe këpucë: 2.3%.
Rënie e çmimeve u regjistrua te informacioni dhe komunikimi me -0.2%, si dhe arsimi me -0.6%.
Sa i përket inflacionit mujor prej 1.1%, ai u ndikua nga rritja në:
• Transport: 4.9%;
• Pije alkoolike, duhan dhe narkotikë: 1.2%;
• Rekreacion, sport dhe kulturë: 0.4%;
• Mobilje dhe pajisje shtëpiake, mirëmbajtje rutinore: 0.3%;
• Ushqim dhe pije joalkoolike: 0.1%;
• Veshje dhe këpucë: 0.1%.
Rënie e çmimeve u shënua te kujdesi personal, mbrojtja sociale dhe mallrat dhe shërbimet e ndryshme me -0.2%.