Sipas të dhënave të publikuara nga Agjencia e Statistikave të Kosovës (ASK), Indeksi i Harmonizuar i Çmimeve të Konsumit (IHÇK) për muajin maj 2026 tregon një rritje prej 6,8% krahasuar me muajin maj 2025.
Sektorët që kanë ndikuar më së shumti në këtë rritje vjetore janë:
- Transporti: 14,1%
- Strehimi, uji, energjia elektrike, gazi dhe lëndët e tjera djegëse: 13,2%
- Pijet alkoolike, duhani dhe narkotikët: 5,6%
- Restorantet dhe shërbimet e akomodimit: 5,3%
- Ushqimet dhe pijet joalkoolike: 5,1%
- Shëndetësia: 4,1%
Rritje janë regjistruar gjithashtu te mobiljet (3,6%), kujdesi personal (3,0%), rekreacioni e kultura (2,7%), veshjet e këpucët (2,4%) dhe informacioni e komunikimi (0,2%). I vetmi grup që ka shënuar rënie në nivel vjetor janë shërbimet arsimore me -0,6%.
Ndërkohë, në krahasim me prillin e vitit 2026, indeksi i çmimeve në maj ka pësuar një rënie mujore prej -0,4%. Kjo lëvizje mujore është ndikuar kryesisht nga ulja e çmimeve në grupet e transportit (-2,0%), strehimit e energjisë (-0,7%), ushqimeve dhe pijeve joalkoolike (-0,2%), si dhe kujdesit personal (-0,1%).
Përditësime
Agjencia e Statistikave të Kosovës njoftoi se inflacioni vjetor për muajin prill 2026 është rritur në 7,5%, duke shënuar një shtim prej 0,7 pikë përqindjeje krahasuar me muajin e kaluar.
Gjatë periudhës 2021-2025, Kosova ka shënuar një inflacion kumulativ prej 27.8%, duke tejkaluar trendet stabilizuese të ekonomive fqinje dhe evropiane. Rritja e çmimeve është reflektuar dukshëm te produktet bazë:
- Mielli: +54.5%
- Buka: +44.7%
- Vezët: +42.0%
- Qumështi: +37.8%
Me një inflacion vjetor prej 6.8%, Kosova vazhdon të mbajë një nga normat më të larta të rritjes së çmimeve në rajon.