Sipas të dhënave të INSTAT, në muajin dhjetor 2025 inflacioni arriti në 2.2%, ku tre grupe të lidhura drejtpërdrejt me aktivitetin turistik sollën rreth 54% të rritjes së çmimeve.
Grupi "Qira, ujë, lëndë djegëse dhe energji" ndikoi me 0.96 pikë përqindjeje, "Hotele, kafene dhe restorante" me 0.15 pikë përqindjeje dhe "Argëtim dhe kulturë" me 0.08 pikë përqindjeje.
Kjo tendencë ishte më e dukshme në dhjetor, por u vu re gjatë gjithë vitit 2025. Inflacioni mesatar vjetor ishte 2.2%, me presionet inflacioniste të përqendruara te kërkesa sezonale dhe fluksit turistikë, më pak te fuqia blerëse vendase.
Rritjet kryesore në shërbime dhe produkte
- Shërbimet e akomodimit: +6.5%
- Argëtim dhe kulturë: +5.6%
- Kafeja, çaji dhe kakaoja: +5.4%
- Pijet alkoolike: mbi 3%
- Ushqime si mishi dhe bylmeti: rritje të ndjeshme
- Shërbimet e transportit: +3.9%, pavarësisht rënies së çmimeve të karburanteve në grupin total të transportit.
Qiratë shënuan rritje mesatare prej 4.5%, me kulm 8% në dhjetor. Ky zhvillim lidhet me orientimin e banesave drejt tregut të qiradhënies për turistët.
Të dhënat tregojnë se rritja e çmimeve buron kryesisht nga turizmi, përmes akomodimit, shërbimeve, ushqimit jashtë shtëpisë, transportit dhe qirave dhe kafeve e restoranteve.