Në javën e 26-të të Serie A, Inter siguroi fitoren 2-0 ndaj Lecce-s në transfertë, në stadiumin Via del Mare. Golat u shënuan në pjesën e dytë nga Henrikh Mkhitaryan në minutën e 75-të dhe Manuel Akanji në minutën e 82-të.
Në pjesën e parë, Inter tentoi të krijonte raste kryesisht nga krahët, por portieri Falcone ndaloi goditjet e Luis Henrique-s dhe Pio Esposito-s. Lecce, drejtuar nga trajneri Di Francesco, mbrojti mirë pas dëmtimit të Gaspar-it, të zëvendësuar me Siebert. Pjesa e parë u mbyll pa gola.
Në pjesën e dytë, ritmi u rrit. Një gol i Dimarco-s u anulua pas kontrollit VAR për pozicion jashtë loje të Thuram-it. Trajneri Chivu futi në fushë Mkhitaryan-in dhe Akanji-n. Armeni shënoi me të djathtën pas një goditjeje nga këndi, ndërsa zvicerani vulosi rezultatin me kokë nga një tjetër këndore e Dimarco-s.
Me këtë fitore, Inter krijon një diferencë prej 10 pikësh ndaj Milanit, që luan të dielën kundër Parmas. Kjo ndeshje rikujton atë të mëparshmen mes të dyja skuadrave, ku zëvendësimet e Chivu-s kishin dhënë efekt të ngjashëm.