Pio Esposito, sulmuesi 20-vjeçar i Inter-it, ka tërhequr vëmendjen e klubeve angleze të Premier League-së pas paraqitjeve të tij të mira në këtë sezon, ku ka shënuar 5 gola, përfshirë atë vendimtar kundër Lecce-s.
Drejtuesit e Inter-it, Beppe Marotta dhe Piero Ausilio, kanë nisur kontaktet me agjentin e futbollistit, Mario Giuffredi, për të rinovuar kontratën aktuale. Qëllimi është ta zgjasin atë deri në vitin 2031, duke përmirësuar kushtet financiare.
Aktualisht, Esposito përfiton 1.1 milionë euro në sezon. Me kontratën e re, klubi është gati t’i ofrojë 2.5 milionë euro plus bonuse, ndërsa paga mund të arrijë 3 milionë euro nëse performanca e tij përmirësohet deri në fund të sezonit.
Sipas burimeve, kontaktet e para janë bërë tashmë, ndërsa takimi i parë parashikohet në pranverë. Kjo lëvizje synon ta blindojë futbollistin nga interesat angleze, në një sezon ku Inter synon titullin në Serie A, Champions League dhe kualifikimin në Botëror.