Saeed Khatibzadeh, zëvendësministër i Jashtëm i Iranit, deklaroi se vendi i tij nuk është gati për bisedime të mëtejshme ballë për ballë me Shtetet e Bashkuara derisa ato të braktisin kërkesat maksimaliste.
Delegacionet amerikane dhe iraniane zhvilluan negociata në Islamabad të Pakistanit fundjavën e kaluar. Këto bisedime zgjatën më pak se një ditë dhe nuk sollën ndonjë marrëveshje.
Më herët këtë javë, Shtëpia e Bardhë njoftoi se një raund i dytë diskutimesh mund të mbahej në të njëjtin qytet, me Pakistatin si ndërmjetës kryesor.
Khatibzadeh theksoi se Irani synon të finalizojë së pari një "marrëveshje kornizë" para se të vazhdojë me takime të tjera. "Ka çështje për të cilat amerikanët ende nuk e kanë braktisur qëndrimin e tyre maksimalist", u shpreh ai për Associated Press në një forum diplomatik në Turqi.
Zyrtari iranian përmendi se ka pasur shkëmbime mesazhesh dhe telefonatash midis palëve ditët e fundit. Ai refuzoi kategorikisht idenë për t’i dorëzuar uraniumin e pasuruar SHBA-së, duke e cilësuar atë si të parealizueshme dhe të papranueshme.
Përditësime
Irani konfirmoi refuzimin e bisedimeve të mëtejshme me SHBA-në përmes ndërmjetësit pakistanez, sipas një burimi të lartë në Tasnim.
- Armëpushimi aktual skadon më 21 prill.
- Presidenti Trump shprehu optimizëm për një marrëveshje të shpejtë.
- Irani thekson mungesën e kohës për bisedime pa rezultate konkrete në lehtësimin e sanksioneve ose sigurinë rajonale, duke specifikuar distancat në pasurimin e uraniumit dhe bllokadën detare.