Ish-diplomati serb Nebojša Vujoviq ka komentuar vizitën e kryediplomatit serb Marko Gjuriq në Shtetet e Bashkuara të Amerikës. Sipas tij, Gjuriq u ftua në Uashington në mënyrë që sekretari amerikan i Shtetit Marco Rubio ta prezantonte me një marrëveshje të fshehtë dhe detyruese për njohjen e pavarësisë së Republikës së Kosovës.
Vujoviq deklaroi për agjencinë e lajmeve Beta se ky ishte qëllimi kryesor i ftesës. “Gjuriq u ftua në Uashington në mënyrë që Rubio, në emër të qeverisë amerikane dhe presidentit Donald Trump, ta prezantonte atë me marrëveshjen e fshehtë detyruese për njohjen e pavarësisë së Kosovës. Çdo ditë, hap pas hapi, Serbia po i afrohet formalizimit dhe njohjes zyrtare të Kosovës si shtet i pavarur”, tha ai.
Ai shtoi se presidenti serb Aleksandar Vučiq është i gatshëm ta njohë pavarësinë e Kosovës vetëm për të qëndruar në pushtet dhe për të shmangur sanksionet amerikane. Nënshkrimi i një marrëveshjeje të tillë do t’i mundësonte Trump-it një sukses të madh, duke goditur Bashkimin Evropian dhe Russinë, ndërsa Vučiq-it do t’i blinte kohë për mbylljen e mediave të pavarura dhe shtyrjen e sanksioneve për korrupsion, manipulim zgjedhjesh dhe mosrespektim të sundimit të ligjit, sipas Ligjit mbi Demokracinë në Ballkanin Perëndimor.
Sipas Vujoviq-it, vizita tregon ngecjen për mbijetesë të regjimit në Beograd, ndërsa integrimi i sistemit paralel serb arsimor e shëndetësor në sistemin e Kosovës dëshmon për braktisjen e pretendimeve serbe mbi të.
Përditësime
Marko Gjuriq reagoi nga Uashingtoni, duke i quajtur pretendimet e Vujoviqit "të pavërteta dhe të sajuara" e "të pabesueshme".
Gjuriq tha se diskutimet për Kosovën ishin nga një këndvështrim i kundërt, duke u fokusuar në të drejtat e serbëve, bashkëpunimin SHBA-Serbi dhe qëndrimet e Beogradit.
Presidenti serb Aleksandar Vučić mohoi pretendimet e ish-diplomatit Vujoviq të bëra në Astanën e Kazakistanit. Ai tha se takimi i Gjuriqit me Marko Rubion ishte "krejtësisht rastësisht" dhe se "Kosova ka qenë dhe do të jetë Serbi".
Vučić deklaroi se nuk do ta pranojë njohjen e Kosovës dhe nuk do ta diskutojë atë "jo me Marko Rubion, por as me Shën Pjetrin".
Ai e quajti Vujoviqin dikë që "çdo pjesë të territorit të Serbisë do ta shiste për shishe e fundit".